DIPUTADO JONA CHIRINO A BISHITA E PROME BEIBI
Kralendijk--Diputado Jona Chirino Felida a bishita mayornan di e prome beibi di ana 2015 pa asina por felisita Kaylee Sharikira Christiaan i su mayornan personalmente na nomber di gobiernu di Boneiru.
E mayornan di e beibi Kaylee ta Charlton i Carmelita Christiaan.
Diputado Jona Chirino Felida na nomber di gobiernu di Boneiru a felisita e mayornan di e prome beibi di ana 2015 i a hasi entrega di un makutu yen ku artikulonan spesial pa beibi na e mayornan di Kaylee.
Diputado Chirino Felida a desea e mayornan di Kaylee tur kos bon ku e beibi Kaylee por hana un bon guia i ku tur kos bai bon ku e beibi den futuro.
Foto ta ilustra diputado Chirino huntu ku mama, tata, wela i welo di Kaylee Christiaan e prome beibi di ana 2015.