DIPUTADO CHIRINO TA HASI APERTURA DI KURSO DI KOMPIUTER PLAN INTEGRA..
Kralendijk--Djabierne13 di mart 2015, a kuminsa ku un proyekto mas Plan Integral di Bario di kompiuter pa mayornan di alumnonan di Kolegio Reina Beatrix.
Na e okashon aki tabata presente diputado Jona Chirino Felida enkarga ku ensenansa a bisa na komienso di e proyekto di kompiuter pa mayornan di Kolegio Reina Beatrix, ta un plaser i algu hopi bon pa mayornan di e alumnonan tambe por hana instrukshon riba kompiuter pa asina por vigila e yu i
yud'e desaroya na un manera responsabel riba kompiuter.
Segun diputado Jona Chirino a bisa den su diskurso, komo mayor hanando les di kompiuter ta halsa nivel di e mayor pa asina por kontrola e yu tambe i desaroya su mes.
Chirino a bisa ku momento ku bo planta un simia bon bo por ta sigur ku e no ta bai perdi. Ta pa e motibu aki boso ku ta partisipa n`e kurso di kompiuter aki lo no perde nada pero mas bien akumula sabiduria. Ta depende di boso mes si e proyekto aki ta bira un eksito i ku e porta nobo ku ta
habri awe pa boso ta algun bon i ideal, komo ku e porta aki ta hiba boso hopi leu i ta trese boso mas serka boso yunan tambe. Komo ku boso sa kon pa traha ku kompiuter.
Si e esfuerso aki di nos komo gobiernu ta bisa ku nos ke e mucha rondo di su kas rondo di su skol i rondo di su bario nos ta purba drecha e mucha aki i sigui fortifik'e ta algua ideal, komo ta huntu ku tur esakinan nos por tin un Boneiru fuerte manan.
Chirino a bisa ku e ta keda kere ku ta nos kada un ta konstrui nos Boneiru. Finalmente diputado Jona Chirino a desea tur e partisipantenan hopi eksito ku e kurso di kompiuter di e Plan Integral di Bario.
Foto ta ilustra diputado Chirino huntu ku dosente i e kursistanan na apertura di e kurso di kompiuter Plan Integral di Bario