E PRESTIGIOSO CARNIVAL PRIDE PA PROME BIA NA BONEIRU
Kralendijk--Dia 23 di mart 2015 e barku krusero "Carnival Pride" ku ta pertenese na e prestigioso lina Carnival Cruise Lines a bishita Boneiru pa prome biaha i a hasi e prome yamada (firstcall) manera ta tradishon di barkunan krusero ku drenta haf di Boneiru pa ????
Carnival Pride ta bou komando di kapitan Franceso Borgogna a yega Bonaire 7or di mainta ku un kantidat di 2111 pasahero i 911 miembro di tripulashon abordo for di Aruba i a kontinua su biahe pa hermana isla St. Maarten 6or di atardi.
Pa e okashon spesial aki tabatin un resepshon abordo di e krusero kaminda sr. John Heald e Brand Ambassador di Carnival Pride a inisia e seremonia. E la yama diputado di turismo Edsel Winklaar i representantenan di Tourism Corporation Bonaire yufrou Michele Knuff i representante Armada Port
Agency/Bas Shipping N.V. bon bini abordo i a duna palabranan di gradisimentu ku Boneiru a risibi "Carnaval Pride" ku brasa habri.
Na e okashon spesial aki diputado Edsel Winklaar enkarga ku turismo a duna un kaluroso bon bini na e kapitan i su miembronan di tripulashon na nomber di gobiernu i pueblo di Boneiru.
E kapitan di krusero a duna di konose ku Carnival Pride ta nabega bou bandera Panameno e ta di 85920 tonelada brutu ku un largura di 292.5 meter. E ta di un tamano mas chikitu den e flota di Carnival i a keda konstrui na Helsinki Finlandia i a drenta servisio dia 13 di Desember 2001.
Algun siman pasa e barku aki a sali di dok kaminda ku a hasi basta renobashon na tantu e interior komo eksterior di e barku. Carnival Pride huntu ku 17 otro krusero mas ta di e klase `Spirit', un tamano speshal, asina yama `Panamax form factor' ku ta permiti e barku nan aki pasa den e kanal di
Panama sin problema.
E biahe di 14 dia ku Carnival Pride tabata riba lo termina dia 29 di mart proksimo na Baltimore.
For di Baltimore e barku lo bai hasi biahanan nobo pa otro destinashon den Karibe. Relashona ku e bishita aki na Bonaire e Kapitan i su ofishalnan a organisa un resepshon abordo kaminda ku a interkambia plakat i regalo.
Mester menshona ku segun informashon ku nos ta dispone di dje, ta ku Carnival Pride lo regresa Bonaire den periodo 2016/2017 ora e ta riba biahe nan di 21 dia den Karibe.
Despues di e resepshon e invitado nan a hana un rekorido abordo di Carnival Pride kual ta un barku ku un interior hopi bunita renoba.
Foto nan ta ilustra Kapitan Borgogna i Diputado Edsel Winklaar, srta. Michelle Knuf di Ofisina di Turismo i Byron Tromp komo agente di e linia hasiendo nan gesto.