DIPUTADO EDSEL WINKLAAR A HASI APERTURA DI INTERNET CAFE NA BIBLIOTE..
Kralendijk--Djabierne 13 di mart 2015, Biblioteka Publiko a habri un Internet Cafe kaminda pueblo por akudi pa hasi uso di Internet pornada.
Diputado Edsel Winklaar a hasi e apertura den un forma simboliko i asina duna un inisio di un era nobo na Biblioteka Publiko di Boneiru.
Esaki mirando ku mas i mas e mundu di teknologia ta desaroyando i pa e motibunan aki mester bai ku e desaroyo sino nos ta keda tras den teknologia di e mundu di Internet.
P'e motibunan aki gobiernu di Boneiru/ Direktorado Komunidat i Kuido pa medio di Biblioteka Publiko ta habri un Internet Cafe pornada pa publiko.
Tur hoben, adulto por hasi uso di e Internet pornada te ku un limite di un ora. Pero tin espasio pa amplia esaki semper i kuando, basta ku no tin un usuario di e mashin n'e momentu ei.
Diputado Edsel Winklaar tabata hopi satisfecho i kontentu ku e desaroyo aki.
Komo ku aki ta demostra ku pokopoko pero sigur Biblioteka Publiko ta bira un sentro kaminda pueblo den su totalidat por hasi bon uso di e Internet Cafe i asina eleva nan mes.
Diputado Edsel Winklaar ta felisita e trahadonan di Biblioteka publiko ku e desaroyo importante aki i ta desea pueblo di Boneiru tur klase di eksito i pa nan bishita Biblioteka Publiko aun mas tantu pa asina sigui eleva bo mes.
Foto ta ilustra momentu ku diputado Edsel Winklaar ta hasi apertura di e Internet Cafe huntu ku empleadonan di Biblioteka Publiko na Kaya Gramel zn na Antriol.