STICHTING OPENBAAR ONDERWIJS BONAIRE A ORGANISA KURSO DI KOMPIUTER P..
Kralendijk--Djabierne anochi ultimo, dia 13 di mart 2015 diputado Jona Chirino enkarga ku e maneho di ensenansa aki na Boneiru tabata presente na e skol di Stichting Openbaar Onderwijs Bonaire, Kolegio Reina Beatrix, pa hasi e apertura ofisial di e kurso di kompiuter pa mayor i empleadonan
di e Kolegio Reina Beatrix i Skol Watapana. E proyekto piloto aki tambe ta wordu ehekuta den kuadro di e programa di gobiernu pa "Desaroyo di Bario Integral".
Di e forma aki mayornan di alumnonan grupo 7 i 8 di Kolegio Reina Beatrix i Skol Watapana konhuntamente ku personal di e skol a hana e oportunidat uniko pa partisipa na e kurso di ECDL (European Computer Driver Licence) ku ta konsisti di 40 les di kompiuter.
E prome meta di e proyekto aki ta pa sina nos mayornan kon anda ku kompiuter; Internet i tambe otro programanan posibel i tambe mustra e peliger i riesgonan pa loke ta trata uso di Internet.
Diputado Jona Chirino a pone enfasis riba e echo ku mayornan mester ta konsiente i tambe na altura kon anda ku kompiuter i e fasilidatnan di Internet pa asina por yuda i proteha tambe nos hobennan ku hopi biaha no ta hasi bon uso di e medio di komunikashon aki.
E di dos meta di e proyekto ta pa konsientisa mayornan pa tambe partisipa na aktividatnan ku ta wordu ehekuta na Kolegio Reina Beatrix i tambe otro skolnan primario na Boneiru. Di e forma aki mayornan ta kontribui tambe ku nan tarea prinsipal kual ta edukashon di nan yunan.
E proyekto aki ta wordu inisia den e bario nan Antriol, Nort i Salina i Rincon pa despues akapara tur bario i skol primario na Boneiru ku tambe ke partisipa.
Direktorado Komunidat i Kuido di entidat publiko di Boneiru, ku ta enkarga ku e programa pa "Desaroyo di Bario Integral", a duna e empresa "Skill Profs" e enkargo pa ehekuta e proyekto aki. Di e forma aki lo trata di kombati e retraso di konosementu i uso di kompiuter konhuntamente ku e
proyekto di alfabetisashon.
Riba e portret por mira mayornan durante di e les djabierne ultimo na Kolegio Reina Beatrix den presensia di diputado Jona Chirino huntu ku sra. Jubela Balentin direktora di Skol