HISTOL INTERCONTINENTAL A ENTREGA PROYEKTO FABRIKA DI KAS PREFABRIKA..
Kralendijk--Resientemente diputado James Kroon enkarga ku infrastruktura i bibienda popular a reuni ku sr. Reinaldo Histol propietario di e fabrika "Histol Intercontinental" ku ta bai produsi bibienda prefabrika na Boneiru dentro di poko.
Diputado Kroon den reunion ku "Histol Intercontinental" a duna di konose ku di parti gobiernu ta bai duna tur koperashon te kaminda ta posibel pa e pueblo boneriano por hana kas na un preis abou.
Komo ku Boneiru ta karese di bibienda i ku binida di e proyekto di fabrika ta alivia skarsedat di kas na Boneiru segun Kroon a trese dilanti.
Segun diputado Kroon, den maneho pa mas kas pa pueblo i miho preis di kosto di bibienda riba merkado boneriano e ta duna su aporte pa realisashon di e proyekto di Prefabrika. Pa prome bia den historia di Boneiru ta bai hana e oportunidat pa traha kas prefabrika.
E intenshon ta pa laga e kompania ku ta hasi investigashon di desaroyo riba diferente tereno na Hulanda i Boneiru esta Technisch Nederlands Onderzoek TNO ku resientemente a establese na Boneiru hasi e investigashonnan nesesario pa establesementu di un fabrika di kas prefabrika.
E kompania "Histol Intercontinental" a skohe Boneiru komo base pa eksportashon den region.
Foto ta ilustra momentu ku sr. Reinaldo Histol propietario di "Histol Intercontinental" ta hasi entrega di e proyekto di Kas Prefabrika na diputado James Kroon enkarga ku Infrastruktura na ofisina prinsipal di gobernashon den presensia di sra. Marineli Sosa prome konsel, konsel general Yadira
Pirela, Hans Els representantenan di e kompania aki na Boneiru i hefe di R&O sekshon di infrastruktura Ing. Miguel Martis.