GEZAGHEBBER EDISON RIJNA A BISHITA TERMINAL DI BOPEC


Kralendijk -- Djaweps 16 di aprel gezagheber sr. Edison Rijna a hasi un bishita di trabou na terminal di BOnaire PEtroleum Company Bopec, pa asina sera konosi ku e management tim di Terminal. Durante di e bishita gezagheber a hana un amplio splikashon di e operashon di e terminal serka sr.
Marcelino de Lannoy i pa despues a hasi un rekorido riba e tereno pa final termina na e Jetty mas grandi di e terminal.

Sr. Ethward Manuel kende ta e direktor di Bopec tambe a hiba kombersashon ekstenso ku prome mandatario sr. Edison Rijna, i na final di e bishita sr. Manuel a duna Gezagheber un rekuerdo di e Terminal komo muestra di apresio pa e bishita. Gezagheber Rijna a gradisi direktor sr. Ethward Manuel
i tambe sr. Marcelino de Lannoy di Bopec pa e informashonnan ku su persona a risibi di e terminal.