Djarason na Aeropuerto Flamingo OPORTUNIDAT PA BISHITA AVION SPESHAL..
Kralendijk - Djarason awor 22 di aprel tin un eksposishon di e avion yama Hurricane Hunter den kua lo duna oportunidat pa un i tur por sera konosi ku e avion aki.
Ta asina ku tur ana sentro di horkan na Merka ta organisa un bishita na algun pais den Karibe pa duna espasio pa serka konosi ku primeramente e avion i tambe duna splikashon di e teknologia ku ta usa pa detekta intensidat di un orkan pa asina por saka atvertenshanan optimal.
E avion spesial aki ta yega Boneiru djamars 21 di aprel ta sigui pa Puerto Rico djarason mainta. Ta prome biaha ku e avion aki ta bishita Boneiru.
Banda di esaki gerente di BIA a habri espasio pa hasi e dia aki aun mas interesante dor di permiti Kuerpo di Bombero, Warda Kosta tambe duna nan eksposishon.
Djarason 22 di aprel gezaghebber di Boneiru sr. Edison Rijna lo hasi apertura ofisial di e eksposishon, mientras ku despues lo tene un rueda di prensa den kua prensa tambe ta hana e oportunidat pa sera konosi ku Hurricane Hunter i entre 11or di mainta pa 4or di atardi e eksposishon lo ta habri
pa publiko.
Servisio di Komunikashon a manda invita skolnan basiko i tambe alumnonan ku ta bishita akohida despues di skol.
Gezaghebber i gerensia di Bonaire International Airport ta invita komunidat boneriano pa hasi uso di e oportunidat aki dor di bishita e eksposishon.