Posibel koperashon entre KPN i Boneiru
Awe hefe finansiero (CFO) di e kompania di telekomunikashon Koninklijke KPN Jan Kees de Jager a yama diputado Clark Abraham bon bini na Den Haag den kuadro di un kombersashon eksplorativo.
E enkuentro tabatin komo meta pa sera konosi i eksplora posiblidatnan pa yega na un eventual koperashon ku e suministrado di enternet, telefon (mobil), televishon i servisionan ICT.
Segun e diputado di entre otro desaroyo ekonomiko Clark Abraham un posibel koperashon mester indusi na tarifanan kompetitivo pa telekomunikashon, enternet i televishon na Boneiru pa e konsumido i industria i komersio. Un deseo di gobiernu di Boneiru.
,,Telekomunikashon ta parti di un infrastruktura basiko. Bon telekomunikashon ta un aspekto importante pa determina e posishon kompetitivo di kompanianan. Ademas e ta un punto importante pa atrae kompanianan pa establese nan mes na Boneiru. Nos por bisa ku e ta un topiko ku ta importante pa
desaroyo ekonomiko di Boneiru'', segun e diputado.
Mogelijke samenwerking KPN en Bonaire
Vandaag heeft de CFO van de Koninklijke KPN Jan Kees de Jager, gedeputeerde Abraham welkom geheten in Den Haag voor een verkennend gesprek.
De bijeenkomst had als doel om kennis te maken en een verkenning van de mogelijkheden om tot een eventuele samenwerking te komen met de Nederlandse leverancier van internet, (mobiele) telefonie, televisie en ICT diensten
Volgens de gedeputeerde van onder andere economische ontwikkeling Clark Abraham zou de mogelijke samenwerking moeten leiden tot concurrerende tarieven voor telecommunicatie, internet en televisie op Bonaire voor de consument en het bedrijfsleven. Een wens van het bestuurscollege.
,,Telecommunicatie betreft een basisinfrastructuur. Goede telecommunicatie is een belangrijk aspect voor de bepaling van de concurrentiepositie van bedrijven. Bovendien is het een belangrijk punt bij het aantrekken van bedrijven voor de vestiging op Bonaire. We kunnen stellen dat het een
onderwerp is wat belangrijk is voor de economische ontwikkeling van Bonaire'', aldus de gedeputeerde.