KOMISHON DI EVALUASHON TA BIN BONEIRU.
For di 10-10-10 e relashon entre Bonaire i Ulanda a kambia. Na 2006 a palabra ku despues di sinku ana lo analisa ehekushon di e lei, e struktura gubernamental nobo i e konsekuensianan di e kambio pa komunidat. Un komishon di evaluashon independiente a hana e enkargo pa ehekuta e investigashon
aki.
Den e siman di 22 di yueni senor Thode i senor Verheij di e komishon di evaluashon lo ta na Boneiru pa, basa riba e prome resultadonan, profundisa mas den e investigashon.
Na desember 2014 e komishon di evaluashon a start ku ehekushon di su evaluashon di e struktura estatal nobo di Karibe Ulandes. Na aprel di e ana aki e tim di investigashon independiente a hasi nan investigashon na Boneiru. Nan a tene un investigashon riba 3 tereno: e konsekuensianan pa
komunidat, e ehekushon di e lei i e struktura di gobernashon nobo. Kada tim a komparti e resultadonan ku e komishon. `E tim di investigashon a kompila informashonnan balioso i a hasi un bon trabou, i awor ta keda na e tim di evaluashon, kaminda nan ta hana ta nesesario, pa profundisa mas den e
resultadonan' segun senora Spies, presidente di e komishon di evaluashon.
Tin posibilidat pa topa ku e miembronan di e komishon di evaluashon na Boneiru. Tur hende ta bon bini pa komparti nan eksperensia i informa tokante desaroyo di e investigashon serka e miembronan di e komishon di evaluashon.
Pasa:
Djaweps 25 di yueni, mitar di shete pa mitar di nuebe anochi or (18.30 or - 20.30 or) na Sentro di Bario Antriol
Of djabierne 26 di yueni, mitar di shete pa mitar di nuebe anochi (17.30 or - 19.30 or) na Sentro di Bario Nort'i Salina
Naturalmente lo tin algu pa pasa boka i bebe.
Alabes bo por komparti bo eksperensianan te 1 di ougustus via www.evaluationcaribbeannetherlands.nl/your-experience