SHETE STUDIANTE A RISIBI SERTIFIKADO KURSO DI "JOBPROGRAM" HORECA PL..
Kralendijk--Djarason ultimo, 17 di yueni, tabatin entrega di sertifikado na un grupo di 7 persona ku a termina e kurso di Jobprogram Horeca, di kual personanan den e luna di yueli lo risibi nan diploma di "Horeca Assistant ( HAS)" serka e instansianan FORMA I SGB. Tur e personanan aki lo sigui
e estudio di Horeca Nivel 2 na SGB.
E kurso aki a ser organisa dor di IWA (Integrale Wijkaanpak Bonaire) ku ta e departamentu ku ta kai bou di Direktorado Komunidat i Kuido.
Na okashon di entrega di sertifikado ku a tuma luga na Spice Beach Club sr. Ethsel Pieternella sekretario di portafolio den representashon di diputado Benito Dirksz i sr. Max Suart lider di proyekto di IWA, a hasi entrega di e sertifikado na e partisipantenan.
E persona ku ta enkarga ku kordinashon i ehekushon di e programa pa e kursonan di Horeca, ta sra. Aishel Granviel di Moving Forward B.V.
E partisipantenan ku a termina e kurso ku eksito ta, Suzanne Finies, Melanie Angela, Stephanie Angela, Heidy Clarenda, Shamayra Piard, Reinalda Anthony i Darinka Tromp.
Un pabien ta bai na tur e partisipantenan.
Fotonan ta mustra momentu ku sr. Ethsel Pieternella ta hasi entrega di e sertifikadonan na e kursistanan i e grupo den su totalidat.