SEIS EMPLEADO A PASA NAN KURSO KU EKSITO DEN KOMBATI SANGURA AEDES




Kralendijk -- Riba e fecha 6 pa 11 di yueli 2015 a tuma luga un kurso pa inspektornan di e sekshon di Vektor Kontrol di Servisio di Salubridat Publiko di Entidat Publiko Boneiru.

Meta di e kurso tabata pa hana mas informashon enkuanto kombatimentu di e sangura Aedes Aegypti kual sangura ta traspasa Dengue i Chikungunya.

Seis empleado publiko ku ta inspektornan di e sekshon di Vektor kontrol di salubridat publiko di Gobiernu a risibi nan sertifikado na final di e kurso.

Sr. Fernando Vizcaino ku ta di e organisashon Pan American Health Organization ta hefe di Vektor kontrol di ministerio di salubridat na Panama ta e persona ku a duna e kurso na e empleadonan publiko.

Sra. Alcira Janga hefe di e servisio di Salubridat Publiko durante di entrega di sertifikado a dirigi palabranan di elogio na e partisipantenan i ta spera ku dentro di poko nan por kuminsa hinka esaki den praktika.