De gemiente Coevern nomineerd veur Anfieterpries
De gemiente Coevern is nomineerd veur de Algemiene Anfieter Award
(körtweg Anfieterpries) 2008 van het `Nei Drèents Geneutschap'. De
Anfieterpries wordt oetreikt an die persoon of instelling die zuk in
2008 bried en veul inzet hef veur de streektaol in Drenthe. Zundag 14
december ankommend wordt in het radiopregramma "Podium 30"(10.00 tot
12.00 uur) van RTV Drenthe de toekenning van de pries bekend maakt.
De gemiente Coevern is nomineerd umdat de gemiente ok het Drèents as
taol op de webstee (www.coevorden.nl) staon hef. De gemiente Coevern
hef dat daon umdat de gemiente groots is op Drenthe en de Drentse taol
graag oetdrag en promoot. In de gemiente Coevern kuj Drèents proten!
Naost de gemiente Coevern bint Bargermeerlease oet Emmen en de Stenden
Hogeschoel oet Emmen nomineerd. Bargermeerlease lat de streektaol ok
op de auto's zien en de Hogeschoel, wel de streektaol opnemp in het
pregramma veur de PABO studenten. Ok wordt 14 december de toekenning
bekend maakt van de Zoorholtpries, de pries die stiet veur het in de
steek laoten van de streektaol, mor kan ok zien wodden as opstap naor
een beter leven.
Iewige roem
De jury, under veurzitterschap van Hans Jalvingh oet Assen, zal de
nominaoties veur de Anfieterpries en de Zoorholtpries toelichten véur
de oetreiking. De pries bestiet oet een toepasselijk sierveurwarp en
langdurige, zo niet iewige roem dan wal schaande.
Gemeente Coevorden