Ombudsman: Gobernashon mester t'ey pa tur siudadano
20 april 2016
Gobernashon mester t'ey pa tur siudadano, e perspektiva di siudadano. Na momentu ku gobernashon ta pone su mes insufisientemente den posishon di e siudadano, kos ta bai robes. Esey ta e kaso ekspresamente ku e siudadano ku no por yuda su mes i ku hustamente ta depende di gobernashon pa resolve
nan problema. Esaki e Ombudsman Nashonal ta konklui den su relato anual di 2015. Legislashon, kambionan di maneho i kambionan den implementashon sin ku ta intenshon por tin konsekuensha grandi pa siudadano. Ombudsman ta boga pa gobernashon tin mas atenshon i mas trempan pa e perspektiva di e
siudadano `gobernashon t'ey pa e siudadano i no pa robes'. El a risibi na 2015 mas di 38.147 kehu, esey ta kasi dos mil mas ku na 2014.
E Ombudsman Nashonal ta mira ku gobernashon na 2015 a hinka siudadano den problema pasobra no tabatin sufisiente atenshon pa nan situashon spesifiko. `Tur hende pa gobernashon mester pas den un hoki standart', Van Zutphen ta bisa. Den su investigashon di sekuestro (oktober 2015) e entidadnan
di gobernashon kooperando a rekonose ku no tabatin sufisiente bista riba e problemanan (hopi biaha mas di uno) di e siudadano individual. Tokante e desaparishon di e envelop blow e Ombudsman a risibi miles di kehu di hende ku no por of no kier bai ku e digitalisashon di Belastingdienst.
Gobernashon sinando
Den e investigashon PGB i e gobernashon (no) sinando (PGB en de (niet)lerende overheid) (september 2015) e Ombudsman a konklui ku gobernashon no ta konsulta sufisiente ku su mes ora ta trata di introdukshon di kambionan grandi i komplehu. Van Zutphen: `Ta importante ku p'esey ta sina di
situashonnan kaminda por a hasi miho. Gobernashon mester sina wak over di nan mes kura. Tantu na otro instansha gubernamental, pero tambe hana bista riba e siudadano, e perspektiva di siudadano.'
Ombudsman pa Veterano
Den su papel di Ombudsman pa Veterano e Ombudsman Nashonal a haya na 2015 137 kehu di veterano (2014: 101). E kehunan tabata relashona mas tantu riba Ministerio di Defensa. Kada biaha mas veterano hoben ta puntra pa ayudo di Ombudsman. Na 2015 e Ombudsman pa Veterano a vosifera su opinion
tokante e kuido posterior pa veterano di Afghanistan i retiro despues di uso di droga. Tambe e durashon largu di tratamentu di kehu pa Ministerio di Defensa tabata un punto di preokupashon.
Onderwerpen: