Margrite Kalverboer huramenta komo Ombudsman pa Mucha
20 april 2016
Awe Presidente di Tweede Kamer, Khadija Arib, a huramenta Margrite Kalverboer komo Ombudsman pa Mucha. Kalverboer (1960) ta bisa den un prome reakshon: `Mi ta desea di hasi algu pa mucha ku ta kay pafo di e bista direkto, manera mucha ku ta ser maltrata i ku nos no konose, mucha di mayor
vulnerabel ku ta karga peso demasiado grandi. E tratado di derecho di mucha ta stipula ku e interes di e mucha ta e prome konsiderashon den tur desishon ku ta tuma enkuanto mucha, ku tur mucha tin derecho riba desaroyo, e derecho di ser skucha i derecho riba trato igual. Pa mi esey ta e base
for di kual mi kier wak e temanan ku ta al kaso.'
Margrite Kalverboer ta konose komo profesor ekstra-ordinario pa Mucha, Pedagogia i Derecho di Stranhero na Universidat di Groningen. El a termina e estudionan di Derecho Hulandes, Ortopedagogia y akademia di arte i a promove na 1996 den `Gedrags- en Maatschappijwetenschappen'. E ta tuma su
tempu prome pa aklimatisa den su trabou. `Muchanan Hulandes ta pertenese na esunnan mas felis di mundo. Pero tin mas i mas ku ta kay pafo di komunidat. Den e ananan ku a pasa a hasi un bon inventarisashon di loke no ta bon, mi kier wak awo kiko nos por hasi ku esey i kon. Mi kier interkambia
idea ku eksperto pero tambe ku mucha.' Mucha por eksperensha na edad hoben kaba varios problema. Manera termentu, pobresa of nan ta den un prosedura di asilo. Of ku nan mayornan ta divorsia, vulnerabel of ku muchanan ta duna `mantelzorg' na nan mayornan. Un pa un, temanan ku ta di gran
influensha riba bida diario di mucha i pa nan futuro.
E Ombudsman pa Mucha ta kontrola si ta kumpli ku e derechonan di mucha na Hulanda den gobernashon, pero tambe den ensenansa, kuido pa mucha, kuido pa hubentut i kuido di salut. E Ombudsman pa Mucha ta konseha parlamento i organisashonnan i ta hasi hende mas konsiente di derecho di mucha. Di e
manera ey e posishon di mucha i hoben na Hulanda ta mehora. E Ombudsman pa Mucha ta konseha mucha i hoben enkuanto manera pa nan por para pa nan derechonan. Marc Dullaert tabata te 1 aprel 2016 e prome Ombudsman pa Mucha di Hulanda.
Onderwerpen: